राष्ट्रपति
भण्डारीद्वारा कृष्ण मन्दिरमा पूजा आराधना
भदौ १७, २०७५
काठमाडौं – राष्ट्रपति विद्यादेवी भण्डारी
श्रीकृष्ण जन्माष्टमीका अवसरमा पाटनस्थित कृष्ण मन्दिर जानुभई भगवान् श्रीकृष्णको
पूजा एवं दर्शन गर्नुभएको छ ।
प्रत्येक वर्ष भाद्र कृष्णाष्टमी
अर्थात् आजका दिन राष्ट्राध्यक्षले पाटन कृष्ण मन्दिरमा पूजा एवं दर्शन गर्नुहुने
परम्परा रही आएको छ । राष्ट्रपति भण्डारीले मन्दिरका पूजारीबाट फूल एवं प्रसाद
ग्रहण गर्नुभयो ।
सत्रौँ शताब्दीमा राजा
सिद्धिनरसिंह मल्लका पालामा निर्माण भएको उक्त मन्दिर गोरखा भूकम्पबाट आंशिक क्षति
पुगेकामा हालै मर्मतसम्भार गरिएको हो ।
मन्दिरको जीर्णोद्धार रु ५७ लाखको
लागतमा काठमाडौँ उपत्यका संरक्षण कोषले गरेको हो । महादेव मन्दिर बनाउन राखिएको
जग्गामा सपनामा कृष्णले मन्दिर बनाउन भनेपछि राजा सिद्धिनरसिंह मल्लले खन्न
लगाउँदा जमिनमुनि कृष्णको मन्दिर फेला परेको थियो । त्यसपछि तल कृष्ण र माथि शिव
मन्दिर स्थापना गरिएको पूजारी विष्णुधर राजोपाध्यायले जानकारी दिनुभयो ।
मन्दिरमा बिहानैदेखि भक्तजनको भीड लागेको छ ।
दिउँसो दुई बजेसम्म दुई लाख ५० हजारभन्दा बढी भक्तजनले मन्दिरमा पूजा एवं दर्शन
गरेको उहाँले बताउनुभयो । राति १२ बजे श्रीकृष्ण जन्म भएको सम्झनामा यहाँ विशेष
कार्यक्रम हुने गरेको छ ।
भदौ १७, २०७५ मा
प्रकाशित
स्रोत: http://lokaantar.com/samachar/53540
No comments:
Post a Comment