कार्तिक महिनामा महिलाहरूले
ब्रम्हा मुहूर्तमा स्नान गरेर राधा—दामोदरको पूजा गर्दा मोक्ष प्राप्त हुने जिकिर
काठमाडौं कार्तिक ८, वडा दशैको अन्तिम दिन अर्थात चन्द्रमास अनुसार कोजाग्रत पूर्णिमाको भोलीपल्टबाट सुरु हुने कार्तिक महिना १२ महिनाहरू मध्ये एक महिना हो। यो महिना शरदऋतुको दोस्रो महिना पनि हो । कात्तिक महिना भन्ने वित्तिकै कार्तिक स्नानको प्रसंग आउँछ ।
जुन स्नाको आफैमा ठुलो महत्व रहेको छ । धार्मिक मान्यता अनुसार यस महिनामा स्नान, दान, आदी कार्य गर्दा मोक्ष प्राप्तिको मार्ग पहिल्याउँन सकिने जानिफकारहरु बताउँछन ।
जुन स्नाको आफैमा ठुलो महत्व रहेको छ । धार्मिक मान्यता अनुसार यस महिनामा स्नान, दान, आदी कार्य गर्दा मोक्ष प्राप्तिको मार्ग पहिल्याउँन सकिने जानिफकारहरु बताउँछन ।
त्यस्तैभर्म शास्त्रमा कार्तिक महिनाको विशेष महत्व उल्लेख गर्दै १२ महिनामा हरेक महिनाको आफ्नैआफ्नै महत्व रहेपनि स्कन्द पुराणले कार्तिक महिनालाइ व्रत र तपको दृष्टिबाट अत्यन्त महत्वपूर्ण महिनाको रुपमा व्याख्या गरिएको छ । कार्तिक महिना कल्याणकारी महिना भएको जिकिर गर्दै यसको महिमा उल्लेख गरिएको छ ।हो यी यस्ता धार्मिक महत्वलाइ मनन गर्दै कामपा वडा न.१९स्थित ढोकाटोलमा श्री वाल गोपाल भजन सञ्चालन संस्थाद्दारा एक महिने कार्तिक महात्म्य वाचन कार्यक्रमको आयोजना गरेका छन ।
कथावाचक सुशील राजोपाध्यायको मुखारविन्दुबाट एकमहिना सम्म प्रत्येक दिन हुने कथा वाचन कार्यक्रम हुँने आयोजक संस्थाका उपाध्यक्ष गोपाल मानन्धरले जानकारी दिएका छन। साथै उपाध्यक्ष मानन्धरले कथा वाचन कार्यक्रम आयोजनाका लागि संस्थाका अध्यक्ष अम्विका सिंह महर्जनको अध्यक्षतामा ३१ सदस्यीय मुल समिति र विभिन्न उपसमितिहरु समेत गठन गरिएको बताए ।
यस्तो छ कार्तिक महात्म्यको महत्व : तुलाराशिमा सूर्यनारायण प्रवेश हुनेबित्तिकै प्रारम्भ हुने कार्तिक महिनाको महत्वको पद्म पुराण र स्कन्द पुराणमा विशेष रूप वर्णन गरिएको छ । कार्तिक महिनामा महिलाहरूले ब्रम्हा मुहूर्तमा स्नान गरेर राधा—दामोदरको पूजा गर्दछन् । यसरी पूजा गर्दा व्रत बस्दा मोक्ष प्राप्त हुने जिकिर गरिएको छ । यस विषयमा भगवान् नारायणले ब्रम्हा लाई, ब्रम्हाले नारदलाई र नारदले महाराज पृथुलाई कार्तिक महिना नै सर्वगुण सम्पन्न महात्म्यको सम्वन्धमा बताउनुभएको उल्लेख गरिएको छ ।
जसअनुसार संसारमा सबै मानिस सुख, शान्ति र परम आनन्द चाहन्छन् । कोही पनि यस्ता हुँदैनन, जो आफू र आफ्ना परिवारलाई अशान्ति र दुःख चाहोस् । तर मानिसले बुझ्नपर्दछ कि दुःखबाट मुक्ति कसरी प्राप्त गर्न सकिन्छ । शास्त्रको भनाइअनुसार कार्तिक महिनामा स्नान व्रत जस्ले गर्दछ, उसले संयमका साथ नियमको पालना गर्नुपर्दछ । साथै श्रद्धा भक्तिपूर्वक भगवानको आराधना गर्नुपर्दछ । जसले यसरी नियममा रहेर कार्तिक महिनाभर स्नान व्रत गर्दछ, ऊ सपरिवारले आनन्द प्राप्त गर्ने सवामाल कुनै शंकोच नभएको र यस महिनामा व्रत बस्नेले अमलाको बोट मुनि बसेर भगवान् कार्तिकेयको कथा सुन्नुपर्दछ । साथै कन्या कुमारीलाई भोजन गराई आफूहरू पनि भोजन गर्नु पर्ने बताइएको छ । कार्तिक महिनाभर तुलसीको पूजा, आकाश दीप, पाताल दीप बालेर सेवा गर्नुपर्दछ र यसरी पूजा गरिएको । ठाउँमा यमराजका दूतहरू पनि आउन नसक्ने धर्मसास्त्रमा वर्णन गरिएको पाइन्छ ।
