कार्तिक ६ – ललितपुरको मानमानेश्वरी भवानीलाई खड्ग सहित अाफ्नै अासनमा विराजमान गरिएको छ ।
पाटन दरबार मूल चोकस्थित बिद्यापिठमा मूछें आगमका पुजारी एवं गुठियार घनश्याम शर्माले चतुर्थी पूजा गरि
लिच्छविकालीन मानमानेश्वरी भवानीलाई फिर्तियात्रा गराई मूछें आगममा मन्मानेश्वरी भवानीलाई खड्ग सहित
विराजमान गराउनु भएकाे हाे ।
फिर्तियात्रामा बाजागाजा सहित गुठियार साम्राज्यदेव श्रेष्ठले खड्ग बोक्नु भएको थियाे भने मानमानेश्वरी भवानीलाई
पुजारी एवं गुठियारहरु उद्धव आचार्य राजोपाध्याय र शिवश्याम शर्माले बोक्नु भएको थियो । अरू गुठियारहरु धुपबत्ती
लिई यात्रामा सहभागी भएका थिए । मानमानेश्वरी भवानीलाई खड्ग सहित विराजमान गराए पश्चात् विधिपूर्वक पूजापाठ
गरि सम्बन्धित गुठियारहरु, जात्राका सहयोगी संस्थाहरु ललितपुर महानगरपालिका, गूठी संस्थान, ललितपुर उद्योग
बाणिज्य संघ लगायत अन्य सहयोगी संघसंस्था र ब्यक्तिहरुलाई फूल प्रसाद प्रदान गरिएको हो ।
No comments:
Post a Comment