Thursday, August 29, 2013
Monday, August 26, 2013
Rajopadhyaya in News
ललितपुरमा आधा मानव र आधा सिंहको स्वरुप
Posted: Sunday, Aug 25, 2013 09:13 AM ( 1 day
ago )
भाद्र
कृष्णपञ्चमीका दिन आइतबार ललितपुरमा परम्परागत नरसिंह यात्रा मनाईंदैछ । पुराण
अनुसार आधा मानव र आधा सिहंको स्वरुपमा रहेको नरसिंह विष्णुको चौथो अवतार हो ।
पुराणमा हिरण्यकश्यपूको अत्याचार सहन नसकेर
नरसिंहले आफनो काखमा राखेर न दिन न रातको समयमा नङले बध गरेको उल्लेख छ ।
काठमाडौं उपत्यकाका राजोपाध्याय समुदायले
पालैपालो यस गुठीको अभिभारा लिएर सम्पूर्ण व्यवस्थापनको जिम्मा लिएको हुन्छ ।
धार्मिक यात्राको लागि प्रस्थान गर्नुअघि घरमा नरसिंह लगायत अन्य देवगणलाई पुजा
गर्ने चलन छ ।
परिवारजन एवं अन्य भक्तजनको पूजापछि नरसिंह लक्ष्मी र
सरस्वतीलाई दायाँबायाँ राखी नगर परिक्रमा गरिन्छ । चलन अनुसार जुन परिवारको पालो
पर्छ, त्यस परिवारको ज्वार्इंलाई नरसिंह बनाइन्छ ।
बिभिन्न परमपरागत बाजागाजा सहित भजन गाएर ६
जोडी अप्सरा चमर, पंखा, कूचो लगायतका सामान लिएर नरसिंह जात्रामा
सहभागी हुन्छन् ।
भक्त प्रल्हादले नमस्तेको मुद्रामा हातमा धूप
लिएर नरसिंहतिर हेरेर उल्टोबाट पाइला चालेर नगर परिक्रमा गर्छन् ।
नरसिहंले पछाडितिर कपडाको पुतली लतारेर लैजान्छ
। लतारेको पुतली छोयो भने बाल बालिकाको रुन्चे भाग्छ भन्ने जनविश्वास छ । तर
नरसिंहको स्वरुप डरलाग्दो हुने भएकोले गर्भको बच्चा डराएर गर्भपतन हुन्छ पनि भन्ने
गरिन्छ ।
ललितपूरको भित्री शहरको गाबहाल, पिम्वहाल, कुम्भेश्वर, कोबहाल, मंगलबजार, सुन्धारा, इकुबहाल, महाबौद्ध, टंगल, तिच्छु गल्ली, हौगल, इखालखु, पूर्णचण्डी लगायत बिभिन्न ठाउँमा परिक्रमा
गर्ने क्रममा नरसिंहलाई ठाउँठाउँमा भक्तजनले पूजा गर्छन् ।
नगर परिक्रमापछि यो यात्रा जहाँबाट शुरु भएको
हो, त्यहिँ पुगेर वैदिक पुजा पश्चात टुंगिन्छ ।
Source: http://ujyaaloonline.com/news/24403/%E0%A4%B2%E0%A4%B2%E0%A4%BF%E0%A4%A4%E0%A4%AA%E0%A5%81%E0%A4%B0%E0%A4%AE%E0%A4%BE-%E0%A4%86%E0%A4%A7%E0%A4%BE-%E0%A4%AE%E0%A4%BE%E0%A4%A8%E0%A4%B5-%E0%A4%B0-%E0%A4%86%E0%A4%A7%E0%A4%BE-%E0%A4%B8%E0%A4%BF%E0%A4%82%E0%A4%B9%E0%A4%95%E0%A5%8B-%E0%A4%B8%E0%A5%8D%E0%A4%B5%E0%A4%B0%E0%A5%81%E0%A4%AA/
Sunday, August 11, 2013
Rajopadhyaya in news
उज्यालो सहकर्मी राजोपाध्यायलाई आदिवासी जनजाति
पत्रकारिता पुरस्कार
Posted: Sunday, Aug 11, 2013 12:26 PM
काठमाडौं, साउन
२७ - यसवर्षको आदिवासी जनजाति पत्रकारिता पुरस्कार उज्यालो सहकर्मी सिल्भिया
राजोपाध्यायलाई प्रदान गरिएको छ।
सूचना तथा सञ्चारमन्त्री माधवप्रसाद पौडेलले ४०
हजार रुपैंया पुरस्कारको राशीको इन्डिजिनियस भ्वाइस इन एसिया आइभिए आदिवासी जनजाति
पत्रकारिता पुरस्कारले सम्मान गर्नुभएको हो। उज्यालो ९० नेटवर्कको नेपाल भाषाको
कार्यक्रम लहनाका सञ्चालक राजोपाध्यायलाई रेडियो तर्फको आइभिए पुरस्कार दिइएको
थियो।
नेपाल आदिवासी जनजाति पत्रकार महासंघ फोनिजले यो
वर्षदेखि प्रदान गर्न थालेको आइभिए पुरस्कार छापातर्फ गोरखापत्रका राजेश राई र
टेलिभिजनतर्फको कान्तिपुर टिभीका दशरथ राईलाई प्रदान गरियो।
एशिया ईण्डिजेनस पिपल्स् प्याक्ट (एआइपिपी) र
फोनिजले स्थापना गरेको यो पुरस्कार यसवर्ष पहिलो पटक प्रदान गरिएको हो।
फोनिजको १४ औं स्थापना दिवसका उपलक्षमा भएको
कार्यक्रममा आदिवासी जनजाती समुदायका मातृभाषामा प्रकाशित पत्रिकाहरूलाई पनि
सम्मान गरिएको थियो। सय वा त्योभन्दा बढी अंक प्रकाशित भएका दुई दर्जन पत्रिकालाई
पनि सम्मानित गरिएको थियो। तीमध्ये १५ वटा पत्रिका नेपालभाषामा प्रकाशित छन्।
कार्यक्रममा मन्त्री पौडेलले मूलधारका
संचारमाध्यममा उल्लेखनीय भूमिका खेलेका नेपाल समाचारपत्रका पुष्करलाल श्रेष्ठ, गोरखापत्रका निमित्त प्रधान सम्पादक
पुष्करभक्त माथेमालगायतका व्यक्तिलाई पनि सम्मान गर्नुभएको थियो।
Source : http://ujyaaloonline.com/news/23882/ujyaalo%27s-journalist-get-Prize/
Subscribe to:
Posts (Atom)