सुखशान्तिको कामना गर्दै दशमहाविद्या पूजा सम्पन्न
तस्बिर- सरोज श्रेष्ठ
सबै देशवासीको सुख, शान्ति र समृद्धि तथा रोगव्याधिबाट मुक्तिको कामना गर्दै भक्तपुरमा दशमहाविद्या पूजा बुधबार सम्पन्न भएको छ।
श्री वाराही पीठ विकास समितिको आयोजनामा भक्तपुरका दशमहाविद्या देवीलाई तान्त्रिक विधिबाट पूजा गरिएको हो।
उक्त अवसरमा भक्तपुरलगायत उपत्यकाका विभिन्न स्थानबाट भक्तजनको घुइँचो लागेको थियो।
गणेशपूजासँगै भक्तपुरको यसिंख्यःस्थित भद्रकाली, भिंसिंख्यःस्थित तारारूपी नीलसरस्वती, खँला टोलस्थित त्रिपुरभैरवी, टौमढी टोलस्थित भुवनेश्वरी र छिन्नमस्ता चण्डिका, लाय्कुस्थित मातङ्गी, इन्द्रायणी पीठमा बगलामुखी, तुलाछेँस्थित राजेश्वरी त्रिपुरासुन्दरी, थालाछेँस्थित कमला र टिबुक्छेँ टोलको दहिविनायकनजिकै धूमावतीमा पूजा गरिएको हो।
दशमहाविद्या पूजा भक्तपुरका तलेजु पुजारी प्रगेश राज राजोपाध्यायले गरेका थिए।
सोही अवसरमा विधिअनुसार विभिन्न परिकारहरूसहितको ब्व अर्थात् देवीहरूलाई भोज पनि चढाइएको थियो।
प्रकाशित: Nov 21, 2019 | 08:40:52
तस्बिर- सरोज श्रेष्ठ
सबै देशवासीको सुख, शान्ति र समृद्धि तथा रोगव्याधिबाट मुक्तिको कामना गर्दै भक्तपुरमा दशमहाविद्या पूजा बुधबार सम्पन्न भएको छ।
श्री वाराही पीठ विकास समितिको आयोजनामा भक्तपुरका दशमहाविद्या देवीलाई तान्त्रिक विधिबाट पूजा गरिएको हो।
उक्त अवसरमा भक्तपुरलगायत उपत्यकाका विभिन्न स्थानबाट भक्तजनको घुइँचो लागेको थियो।
गणेशपूजासँगै भक्तपुरको यसिंख्यःस्थित भद्रकाली, भिंसिंख्यःस्थित तारारूपी नीलसरस्वती, खँला टोलस्थित त्रिपुरभैरवी, टौमढी टोलस्थित भुवनेश्वरी र छिन्नमस्ता चण्डिका, लाय्कुस्थित मातङ्गी, इन्द्रायणी पीठमा बगलामुखी, तुलाछेँस्थित राजेश्वरी त्रिपुरासुन्दरी, थालाछेँस्थित कमला र टिबुक्छेँ टोलको दहिविनायकनजिकै धूमावतीमा पूजा गरिएको हो।
दशमहाविद्या पूजा भक्तपुरका तलेजु पुजारी प्रगेश राज राजोपाध्यायले गरेका थिए।
सोही अवसरमा विधिअनुसार विभिन्न परिकारहरूसहितको ब्व अर्थात् देवीहरूलाई भोज पनि चढाइएको थियो।
