प्रसिद्ध तलेजुको वाहन सेतो घोडाजात्रा सम्पन्न
भक्तपुर, आश्विन २९ - प्रत्येक वर्ष विजयादशमीको दिन रातिबाट मनाइने भक्तपुरको तलेजु
भवानीको वाहन सेतो घोडाजात्रा आज बिहान सम्पन्न भएको छ ।
विजयादशमीको राति तलेजु भवानीमा तलेजुका चार
मूल नाइके आचाजु,
जोशी र राजोपाध्यायबाट तान्त्रिक विधिअनुरूप कालरात्रि पूजा, टीका साइत पूजा र विसर्जन पूजा सम्पन्न
गरेपछि सेतो घोडाजात्रा सुरु हुने परम्परा रहेको तलेजुका मूल नाइके नरेन्द्रप्रसाद
जोशीले बताए ।
जात्रा सुरु हुनुअघि सेतो घोडालाई एउटा
भेडाको बलि चढाइने गरिन्छ । त्यसपछि भक्तपुर नगरमा घोडाजात्रा डुलाउने प्रचलन
रहेको छ । तलेजुको मूल चोकबाट सेतो घोडालाई बाहिर ल्याइसकेपछि भक्तपुर नगरको तल्लो
दरबार क्षेत्रबाट भार्वाचो,
वंशगोपाल, भूजिकोखा,
नारायणचोकसम्म र माथिल्लो दरबार क्षेत्रबाट
दत्तात्रय,
तौमढी हुँदै नारायणचोकसम्म घुमाई जात्रा
सम्पन्न गरिन्छ ।
जात्राको क्रममा राति दरबार क्षेत्रस्थित
पशुपतिनाथ मन्दिर अगाडि घोडानाच देखाई बिहान करिब ३ बजे घोडाजात्रा सम्पन्न भएको
जोशीले बताए ।
प्रकाशित
मिति: २०७० आश्विन २९ ०१:४९
Source:
No comments:
Post a Comment