Rajopadhyay in News : चाँगुनारायणमा महास्नान पर्व सकियो

चाँगुनारायणमा महास्नान पर्व सकियो

कान्तिपुर संवाददाता

भक्तपुर, मंसिर २१ - 
हरेक वर्षको मंसिर शुक्लपक्ष एकादशीदेखि ६ दिनसम्म चाँगुनारायण मन्दिरमा मनाइने महास्नान पर्व आइतबार सकिएको छ। यो बिस्केट जात्रापछिको दोस्रो ठूलो पर्व हो। 

मंसिर शुक्लपक्ष एकादशीका दिन भगवान् नारायणलाई आह्वान गर्दै निमन्त्रणा पूजा गरी राष्ट्रप्रमुखका रूपमा राष्ट्रपतिले संकल्प गरेको 'पगरी र जटाधारी' नरिवल चाँगुनारायणलाई अर्पण गरी यो पर्व सुरु हुन्छ। पौष कृष्ण प्रतिपदाका दिन आइतबार 'बिदापूजा' गरी सकिएको मन्दिरका मूल पुजारी चक्रधरानन्द राजोपाध्यायले बताए। 

भारतको काशीबाट भगवान् बद्रीनाथ चाँगुनारायण आउने विश्वास एवं किंवदन्तीनुसार वाग्मतीबाट ल्याइएको जल, पञ्चामृतबाट महास्नान गराई यो पर्व मनाइन्छ। धर्तीमा उब्जनी भएको मकै, कोदो र मस्यामबाहेक सबै अन्न चढाई छ दिन महास्नान पर्व मनाउने परम्परा छ। 

मंसिर शुक्लपक्षको साँझ ८ धार्नी घिउ, त्यति नै चिनी, ५ पाथी दही, त्यति नै दूध र महले चाँगुनारायणलाई महास्नान गराइन्छ। पर्वका लागि चाँगुनारायण मन्दिर परिसरको छिन्नमस्ता, नाट्येश्वरी, भैरवलगायतका विभिन्न मन्दिरमा पहिलो दिन २ राँगा, ९ बोका, एक कालो भेडा, एक सेतो भेडा, ३१ हाँस बलि दिइएको छ। 

बलि दिन गुठी संस्थान शाखा कार्यालय भक्तपुरले प्रत्येक वर्ष पशुपक्षीको व्यवस्था गरिदिनुपर्ने परम्परा रहेको गुठी संस्थान प्रमुख लेखनाथ सापकोटाले बताए। उनका अनुसार गुठी संस्थानले दान दिने दुई गाई, पर्व चलाउन २६ मुरी १० पाथी चिउरा, २० मुरी ७ पाथी ७ माना चामल, ४ तोला चाँदी, ७ मासा सुन, २ किलो ७४ ग्राम पित्तल, ५ किलो ७ सय ७५ ग्राम तामालगायत एक सय ९ थरी जिन्सी सामानहरू पर्वका लागि उपलब्ध गराएको थियो। चाँगुनारायण महास्नान पर्व चलाउन प्रत्येक वर्ष गुठीले करिब ७ लाख खर्च गर्दै आएको छ। 

त्रयोदशी र चतुर्दशीका दिन बाँकी पशुपक्षीको बलि दिइएको भँडेल नाइके श्रीकुमार भँडेलले बताए। पर्वको दोस्रो दिन अर्थात् मंसिर शुक्लपक्ष त्रयोदशीको दिन भँडेल भोजको आयोजना गरिएको थियो। ४० घर भँडेलका पुरुषहरूले मात्रै भोज खान पाउने परम्परा रहेको भँडेल नाइके भँडेलले बताए। 

त्यस्तै, पर्वको तेस्रो दिन ३६ जना ब्राह्मणलाई विभिन्न परिकारको ब्राह्मण भोजन, चतुर्थी पूजा गरी भोज खुवाउने र अन्तिम दिन पौष कृष्ण प्रतिपदाका दिन पाँच दिन महास्नान पर्वमा खटिने सबैलाई बिदापूजा गरी करिब एक ट्रक अनाज चढाई पूजा गरी महास्नान पर्व सम्पन्न भएको छ। लिच्छवि राजा मानदेवको पालादेखि यस मन्दिरमा महास्नान पर्व सञ्चालन हुँदै आएको संस्कृतिकर्मी बताउँछन्।
source: http://www.ekantipur.com/kantipur/2071/8/21/full-story/335164.html

प्रकाशित मिति: २०७१ मंसिर २२ ०८:५९

Rajopadhyaya in News : राजोपाध्याय समाजको साधारण सभा

राजोपाध्याय समाजको साधारण सभा

नेपालसमाचारपत्र
काठमाडौं
राजोपाध्याय समाजको प्रथम साधारण सभा हालै सम्पन्न भएको छ। सो अवसरमा २०७० सालको एसएलसी परीक्षामा उत्तीर्ण विद्यार्थी एवम् आ–आफ्नो क्षेत्रमा विशिष्ट योगदान पुर्याउनुहुने व्यक्तित्वहरूलाई सम्मान गरिएको छ।
कार्यक्रममा राजोपाध्याय समुदायभित्रबाट प्रथम मेडिकल डाक्टर बन्न सफल डा. आदित्य सुवेदी राजोपाध्याय र समाजबाट सर्वप्रथम विद्यावारिधिअर्थात् पीएचडी गर्नुहुने स्व. दीपककान्त राजोपाध्यायलाई मरणोपरान्त सम्मान गरिएको थियो। सम्मानित विद्यार्थी एवम् व्यक्तित्वहरूलाई कार्यक्रमका प्रमुख अतिथि ललितपुर जिल्लाका प्रमुख जिल्ला अधिकारी शशिशेखर श्रेष्ठले खादा ओढाई सम्मानपत्र प्रदान गर्नुभएको थियो।

सोही कार्यक्रममै मृगेन्द्रराज सुवेदी राजोपाध्यायद्वारा लिखित अनुसन्धानात्मक पुस्तक तन्त्रमा नेवारको पनि विमोचन गरिएको थियो। विमोचित पुस्तकका लेखक मृगेन्द्रराज सुवेदी राजोपाध्यायले आफूले उक्त पुस्तक किन लेख्नुपर्यो भन्ने विषयमा र पुस्तकमा संकलित सामग्रीहरूबारे प्रकाश पार्नुभएको थियो।

कार्यक्रमका प्रमुख अतिथि प्रजिअ श्रेष्ठका साथै ताम्राकार समाजका सचिव विनोद ताम्राकार, ज्यापु समाजका अध्यक्ष मंगल महर्जन, स्यस्यः समाज ललितपुरका अध्यक्ष केदारलाल श्रेष्ठ तथा जोशी समाज ललितपुरका अध्यक्ष वेदराज जोशीले समाज र देशको विकासका लागि एकजुट भई अघि बढ्नुपर्नेमा जोड दिनुभयो। सम्मान कार्यक्रम पश्चात् बन्द सत्रमा समाजका महासचिव सञ्जय शर्मा राजोपाध्यायले प्रस्तुत गर्नुभएको वार्षिक प्रतिवेदनमा छलफल भयो भने समाजका कोषाध्यक्ष जयन्ती शर्मा राजोपाध्यायले आर्थिक प्रतिवेदन प्रस्तुत गर्नुभएको थियो। आर्थिक प्रतिवेदनमा उठेका जिज्ञाशाहरूको समाजका अध्यक्ष वदन ज्वालानन्दले उत्तर दिनुभएको थियो। कार्यक्रममा अध्यक्ष वदन ज्वालानन्द राजोपाध्यायको सभापतित्वमा भएको थियो
।

Published Date: November 13, 2014

Source: http://www.newsofnepal.com/new/nepal/2014/11/75089
This was also published in "Nepal Samachar Patra" daily , Nov. 13, 2014 (२०७० कार्तिक २७ ) page no. 9 

Rajopadhyaya in News : पौने चारसय वर्ष लामो इतिहास बोकेको नाच शुरु

पौने चारसय वर्ष लामो इतिहास बोकेको नाच शुरु

• Posted: Monday, Oct 27, 2014 09:17 AM ( 4 hours ago )

शर्मिला राजोपाध्याय् / उज्यालो । काठमाडौं, कात्तिक १० - पौने चारसय वर्ष लामो इतिहास बोकेको कात्तिक नाच  शुरु भएको छ । आइतबार सुरदास नाच देखाएर यसवर्षको नाच शुरु भएको हो । सोमबार  ललितपुरको मंगलबजारमा बेलुकी ७ बजेदेखि नाच देखाइने कात्तिक नाच संरक्षण समितिका किरण चित्रकारले बताउनुभयो ।

गएको वर्ष १० दिन देखाइएको नाच यसपटक १२ दिनसम्म देखाइनेछ । यसपटक थप भएको दुर्इ दिनमा सुरदास र उषाहरण कथामा आधारित नाच देखाइने चित्रकारले बताउनुभयो । पहिले यी दुर्इ नाच संक्षेपमा अन्य नाचमा गाभिएर देखाइएकोमा अब विस्तृत रुपमा देखाउनेको लागि तयारी भएको छ ।

कात्तिक नाचको विशेष आकर्षण अन्तिम दिन देखाइने पौराणिक कथा नरसिहं अवतारमा आधारित नरसिहं नाच हो । साँस्कृतिक र तान्त्रिक महत्व बोकेको नाचमा नरसिहं हुने र हिरण्यकशिपु हुने व्यक्तिले अन्य देवदेवीको नाचमा जस्तै धेरै नियममा बस्नु पर्दछ । मंगलबजारको कृष्ण मन्दिरका पूजारी राजोपाध्याय समुदायका नरसिहं बन्ने गर्दछन् भने चित्रकार समुदायका हिरण्यकशिपु बन्छन् । नरसिहं र हिरण्यकशिपु  विचको लर्डाईमा नरसिहंले हिरण्यकशिपुलाई आफ्नो नङ्गले मात्र कोपरेर न त दिनको समय नत रातको समयमा मार्ने दृश्यलाई हेर्न मंगलबजारमा एकदमै भीड लाग्ने गर्दछ ।

दिनभर केहि नखाइ चोखो नियममा बसेका ललितपुर तलेजुका राजोपाध्याय् पूजारीले मरेको हिरण्यकशिपु बनेकालाई ब्यूँताउने गर्दछ ।  उनले मन्त्र फुकेर ढुङ्गेधाराको पानी छर्के पछि अचेत हिरण्यकशिपु बनेका ब्यक्ति चलमलाउने गर्दछ।

हरेक वर्ष नाट्येश्वरको पुजा पछि नेपालको इतिहासमा निरन्तर रुपमा धेरै समयसम्म चलेको यो नाच विधिवत रूपमा शुरु हुन्छ । नेपाल सम्वत ६७१ मा  सद्दिनरसिंह मल्लले शुरु गरेको नाच अहिलेसम्म निरन्तर चल्दै आएको छ । सिद्दिनरसिंह मल्लको पालामा ८ दिनसम्म देखाइएको नाच श्रीनिवास मल्लको पालामा १५ दिनसम्म र योगनरेन्द्र मल्लको पालामा एक महिनासम्म संचालन भएको थियो । ३ सय ७४ वर्षअघि पनि नेवार समुदाय भित्रका सबै जातलाई सम्मिलित गरेर चलाएको यो नाचले मल्लकालमा पनि समावेशी विचारको अस्तित्व रहेको प्रमाणित गर्दछ । 

Source : http://ujyaaloonline.com/news/37535/kattik-dance-begins/

Rajopadhaya in news : राजोपाध्यायको निधन

Rajopadhyaya in News :Rajopadhyay: Plastic ball to national team

Rajopadhyay: Plastic ball to national team

• basketball

11 hours ago

Source: http://arko.asia/sport/basketball/rajopadhyay-plastic-ball-to-national-team/

Part of a series on the lives of sports personalities in Nepal by Arko network, this is basketball star Subrat Rajopadhyay.

As far as challenges go, there isn’t much bigger than taking up sport in a country as politically unstable and economically on the fringes as Nepal.

But there are many who defy all these and gamble into the world of sport hoping to make it big. Subrat Rajopadhyay is one of the many in this country who has followed this path.

Growing up in Kathmandu, basketball wasn’t his first choice of sport but when locals built a basketball court near his house in Indrachowk it was irresistable for a young boy not to have go.

Subrat Rajopadhyay playing at the SABA Championships 2014

He probably never thought at the time that having a bit of fun with friends with a plastic ball would one day lead him to represent his country in the game of basketball.

Rajopadhyay says, “that is where I learnt the first rule of basketball – one dribble two steps.”

However his real education in basketball began once he enrolled into Prime College.

“Football was my first choice of sport but I never got the opportunity”, he adds.”Once I joined Prime College, only availble option was basketball.”

What ever reason he had for choosing basketball, he did make it to the national team in 2005.

Injuries kept him out for a while but he made it back into the team this year, appearing at the SABA championships in Kathmandu.

He will be playing at the Morgan Cup which started on June 25, this time round with team Pentagon.

For all the achievements in the domestic games and making it all the way to the national team though, his biggest challenge has always been convincing his parents, that he made the right choice.

Rajopadhyay says, “my parents would still rather see me put on a suit and take up 9 to 5 job.”

Rajopadhyaya in news: ललितपुरमा ब्लड बैङ्क सञ्चालन

ललितपुरमा ब्लड बैङ्क सञ्चालन

·         Posted: Wednesday, Jun 18, 2014 12:51 PM ( 21 hours ago )

ललितपुर, असार ४ –  रगतको अभाव पूरा गर्ने उद्देश्यले ललितपूरमा बुधबारदेखि ब्लड बैङ्क सञ्चालनमा आएको छ ।

नेपाल हर्ट फाउन्डेशन ललितपूर शाखा, रोटरी ईन्टरनेशनल डिस्ट्रिक ३२९२ र नेपाल रेडक्रस सोसाइटी ललितपूरको संयुक्त पहलमा ब्लड बैङ्क संचालनमा आएको हो ।

केन्द्रीय रक्तसन्चार केन्द्र अन्तर्गत सन्चालन हुने ब्लड बैंकमा प्राविधिक पक्ष नेपाल रेडक्रस सोसाइटी र आर्थिक पक्ष रोटरी इन्टरनेशनल डिस्ट्रिक ३२९२ ले हेर्नेछ ।

ब्लड बैंकमा अहिले रगत संकलनको काम हुने र विस्तारै रक्त तत्व छुट्याउनेदेखि लिएर वितरणसम्मको काम हुने नेपाल हर्ट फाउन्डेसनका सचिव रुपककान्त राजोपाध्यायले जानकारी दिनुभयो ।

कोरिया रोटरीको सहयोगमा झण्डै ९० हजार डलरको लागतमा ब्लड बैंक स्थापना गरिएको हो । उद्घाटन कार्यक्रममा कोरिया रोटरीले झण्डै २ लाख डलर बराबरको उपकरण पनि हस्तान्तरण गरेको छ ।

रगत अत्यावश्यक पर्दा भक्तपूर र काठमाडौसम्म पुग्नुपर्ने बाध्यता हटाउनका लागि ललितपुरमा पनि ब्लड बैंक स्थापना गरिएको राजोपाध्यायले जानकारी दिनुभयो ।

Source:  http://ujyaaloonline.com/news/33559/blood-bank/

A Paper on Mathematics by .................U. Rajopadhyaya and .................................

Source : http://www.researchmathsci.org/apamart/apam-v5n2-7.pdf