राजदूतावासबाट अमेरिकामा बस्ने नेपालीलाई सम्मान
- सरोज राजोपाध्याय,काठमाडौं
अमेरिकाका लागि नेपाली राजदूत डा. शंकरप्रसाद शर्मा आफ्नो कार्यकाल सकेर स्वदेश फर्कनुअगाडि अमेरिकामा बसोबास गरी नेपालका लागि उत्कृष्ट कार्य गरेका नेपालीहरूलाई पुरस्कार तथा प्रशंसापत्र दिनुभएको छ।
‘मैले आफ्नो ठाउँबाट जे–जति काम गर्न सके त्यो सबैको सहयोगको कारण हो’, राजदूत शर्माको भनाइ उद्धृत गर्दै राजोपाध्यायले भन्नुभयो– ‘साधनस्रोतको अभावका कारण केही कमी–कमजोरी भए क्षमा चाहन्छु।’
कार्यक्रममा परराष्ट्र मन्त्रालयबाट भर्खरै सरुवा भएर अमेरिका आउनुभएका उपनियोग प्रमुख ऋषिराम घिमिरेले परराष्ट्र मन्त्रालयको मूल्यांकनमा राजदूत डा. शर्माको कार्यकाल उत्कृष्ट रहेको बताउनुभएको थियो। उहाँले डा. शर्माको प्रशंसनीय कार्यले अर्को राजदूत नियुक्ति नभएसम्म कार्यवाहक राजदूतका रूपमा निरन्तरता पाउने बताउनुभएको थियो।
राजदूत शर्माले सो अवसरमा विगतमा जस्तै सबैको सहयोग जारी रहने अपेक्षा गर्दै स्रोत र साधनले भ्याएसम्म आफूले काम गर्न नचुक्ने बताउनुभएको थियो। कार्यक्रमा राजदूतावासबाट पुरस्कृत तथा सम्मानित भएका राजोपाध्यायले आफू अझ सक्रियताका साथ अमेरिकामा बसेर भए पनि नेपाल र नेपालीका लागि काम गर्ने वचनबद्धता व्यक्त गर्नुभएको थियो।
No comments:
Post a Comment